主页 > W伴生活 >古蹟办推历史建筑展览 边玩边游文物 古蹟 >

古蹟办推历史建筑展览 边玩边游文物 古蹟

W伴生活 2020-06-23
(Presented by 康文署)

要欣赏历史建筑?唔一定要亲身去嘅!依家喺香港文物探知馆举行紧嘅「时代‧忆记——活在香港历史建筑」展览,就透过好多创新、好玩嘅虚拟实境装置同埋互动展品,将一幢幢历史建筑呈现喺观众眼前,等观众可以边玩边探索香港嘅历史建筑。展场仲摆放咗唔少同历史建筑有关嘅珍贵文物,可以俾观众感受一下香港嘅昔日面貌,马上睇下有咩精彩位!

古蹟办推历史建筑展览 边玩边游文物 古蹟

1. 必玩VR虚拟实境装置

历史建筑摆唔到入展厅,不过透过 VR 虚拟实境装置,企定定就可以睇到唔同嘅历史建筑,直情好似去咗现场咁!除咗可以睇到中环嘅圣约翰座堂,仲可以睇到赤柱嘅圣士提反书院、元朗厦村嘅邓氏宗祠同锦田嘅二帝书院。

古蹟办推历史建筑展览 边玩边游文物 古蹟
大家去到记得玩呢个 VR 虚拟实境装置!

2.超大型动感 Motion Wall 任你玩

呢个超大型嘅 Motion Wall 可以 360° 鸟瞰历史建筑外貌之外,仲可以带你穿越建筑物空间同秘道,好似身历其境咁探索历史 古蹟 建筑! 点解呢啲影像好似好真实咁呢?因为呢啲影像真係古物古蹟办事处平日用嚟记录历史建筑嘅三维数据嚟㗎!保育历史建筑係古蹟办其中一项好重要嘅工作,所以佢哋一直为具有重要文物价值嘅历史建筑进行相片同测绘记录。近年呢啲记录更加由 2D 演进到 3D 雷射扫描技术,对日后研究、修复以至文物教育工作都有好大嘅帮助。

呢个 Motion Wall 可以睇到元朗厦村嘅邓氏宗祠、香港天文台、元朗新田永平村嘅大夫第同尖沙咀钟楼,当中仲睇到啲古蹟入面平日入唔到去嘅地方添呀!

古蹟办推历史建筑展览 边玩边游文物 古蹟
相信大人同小朋友都一定锺意玩 Motion Wall!

 

3.好玩互动展品

平时去展馆睇文物,只能够眼看手勿动,呢件展品就可以俾你虚拟咁触碰文物。书上面印咗同历史建筑有关嘅文物,只要掀一掀本书,书入面嘅文物就会立体呈现喺萤幕上面,呢啲影像仲可以 360° 转动添。例如圣约翰座堂嘅主教座同洗礼盘,你只要轻轻触碰,就可以放大和缩小,从唔同角度欣赏呢啲文物。

古蹟办推历史建筑展览 边玩边游文物 古蹟
只要轻轻触碰萤幕,就可以360°咁欣赏到圣约翰座堂嘅主教座。

4.必睇文物 古蹟 重拾昔日社会面貌

除咗玩,当然都要认识一下展览内同历史建筑有关嘅珍贵文物啦。

好似面前呢张就係圣约翰座堂入面嘅主教座。圣约翰座堂喺 1849 年兴建,今次展出咗座堂入面第一代嘅主教座,同埋超过百年历史嘅《圣经》。主教座及《圣经》都係第一次公开展出!

古蹟办推历史建筑展览 边玩边游文物 古蹟

另外,有唔少展品都同民生有关嘅,可以睇到以前嘅社会面貌。其中一个必睇嘅文物就係元朗旧墟晋源押嘅木招牌,呢个招牌係香港现存最古老嘅当舖招牌。展览仲展出以前太和市嘅大埔七约公秤,咁大把秤,要一手攞起真係唔容易!

古蹟办推历史建筑展览 边玩边游文物 古蹟
呢个係元朗旧墟晋源押木招牌,可追溯至约 1910 年代,係香港现存历史最悠久嘅当舖招牌。
古蹟办推历史建筑展览 边玩边游文物 古蹟
大埔七约嘅公秤超巨型,相信拎起都唔易!

我哋以前睇开古装片,入面用嚟摆放棺柩嘅义庄,原来香港仲有㗎!呢两个就係东华医院代租虾苟艇运送棺柩同骨殖返内地嘅章程木牌,同东华义庄喺 1924 年各庄房嘅租价列表木牌,先人嘅棺柩存放喺唔同庄房,房租都有分别㗎!

古蹟办推历史建筑展览 边玩边游文物 古蹟
木牌上嘅租艇章程同庄房价目列得好清楚,明码实价。

「时代‧忆记——活在香港历史建筑」展览

地点:尖沙咀九龙公园香港文物探知馆

收费:免费入场

详情

您可能有兴趣文章:

推荐内容